Түркмөнстандын Мамлекеттик автоинспекциясы аялдарга унаа айдоого укук берүү үчүн зарыл болгон документтердин тизмесине нике күбөлүгүн киргизди. Бул тууралуу Turkmen.News агенттиги жазды.
Аялдар нике күбөлүгүнөн тышкары үй-бүлөнүн курамы жөнүндө маалымкатты жана иштеген жеринен маалымкат, ошондой эле стандарттуу документтердин пакетин – паспортту, медициналык маалымкатты жана башкаларды бериши керек.
Дагы бир бейрасмий шарт – унаа айдайм деген аялдын жашы 40тан ашкан жана унаа анын атына катталышы керек. Аялдарга ишеним кат аркылуу унаа айдоо болбойт.