Туура эмес айып менен 30 жыл түрмөдө отурган адам эркиндикке чыгып, заманбап дүйнөгө таң калганын Tengri Life жазды.
Гордон Кордейро жасабаган кылмышы үчүн 30 жыл темир тор артында өткөргөн. Ал 1994-жылы Гавайидеги Мауи аралында Тимоти Блейсделлди өлтүргөн деп түрмөгө түшкөн. Жаңы технологиялар, тагыраак айтканда, ДНК-анализи адамдын эркиндикке чыгышына жардам берген.
Кордейро эркиндикке чыккандан кийин адамдардын бири-бири менен тынымсыз байланышта болгонуна көнүүгө аракет кылып жатканын айтты. «Баары эле телефон карап калышыптыр» деген ал түрмөдөн чыккандан кийин берген биринчи маегинде.
Эркиндикке чыккандан кийин эң биринчи эле апасынын мүрзөсүнө барган. Анын айтымында, ал темир тор артында отурганда апасы оюнан кеткен эмес. Анын апасы 1994-жылы уулу камакка алынгандан көп өтпөй 49 жашында каза болгон.
