Түштүк Кореяда алгач Индияда байкалган жугуштуу «дельта» штаммы тездик менен тароодо. Бул тууралуу чет элдик басылмалар жазып чыкты.
Түштүк Кореянын Саламаттыкты сактоо министрлигинин Кырсыктарды жөнгө салуу бөлүмүнүн кызматкери Сонг Юн-Ра жергиликтүү радиолордун бирине берген маегинде «дельта» варианты учурда жаңы оорулардын болжол менен 7 пайызын түзөрүн, 2 ай мурунку көрсөткүч боюнча 1 пайызды түзгөнүн билдирди. Бүгүнкү күндө Түштүк Корея боюнча 15,3 миллион адам COVID-19 вакцинасынын жок дегенде бир дозасын алышкан жана 5,3 миллиону толугу менен эмделди.
