Түштүк Кореянын Муан шаарындагы аэропортко конуп жатып кырсыкка учураган учак, алдын ала маалыматтар боюнча, канаттуулар менен кагылышкан, деп билдирет Tengrinews.kz.
«Бийликтер «Муан учагынын кыйрашына канаттуулардын соккусу себеп болушу мүмкүн» дешти«,- деп айтылат маалыматта.
Бангкоктон учуп келе жаткан Jeju Air компаниясынын учагы конуу тилкесинен чыгып кетип, Муан аэропортунун тосмосун сүзгөн. Учакта 175 жүргүнчү жана алты экипаж мүчөсү болгон. Алардын көбү Түштүк Кореянын жарандары экени айтылып жатат.
