Улуу Британиянын ханышасы Елизавета II өмүрүнүн акыркы жылдарында сөөк рагына кабылганын Улуу Британиянын мурдагы премьер-министри Борис Жонсон өзүнүн Unleashed мемуарында жазган. Бул тууралуу Politico жарыялады.
Саясатчынын айтымында, ал анын оорусу боюнча бир жылдан ашык убакыт билген.
Елизавета II менен акыркы жолугушуусун сүрөттөп жатып, Жонсон анын кубарыңкы көрүнгөнүн, бүкүрөйүп калганын, колунда жана билегинде кара тактар бар экенин эскерген. Мурдагы премьер-министр белгилегендей, оору анын маанайына таасир эткен эмес жана ал өзүнүн абалына карабастан, өзүнү ишин так аткарып жаткан.
Politico белгилегендей, Елизавета IIнин өлүмүнүн расмий себеби «карылык» деп көрсөтүлгөн.