Орусиянын Курган облусунун 27 жаштагы тургуну бир нече күндүн ичинде кокустан үч кишини өлтүргөн деп шектелүүдө. Маалымат боюнча, кылмышкер буга чейин уурулук менен бир нече жолу соттолгон. 28-июнда Москва облустук сотунун өкүмү менен Константин Лобарешных зордуктоо жана киши өлтүрүү боюнча күнөөлүү деп табылып, катуу режимдеги колонияда 22 жылга кесилген.
Окуя Люберцы районунун Жаворонки айылында 2019-жылдын октябрь айынын аягында башталган. Минск трассасынын 37-чакырымындагы кароосуз калган кафеде Лобарешных белгисиз адам менен спирт ичимдигин ичкен. Алардын ортосунда пикир келишпестик пайда болуп мушташа кетишкен. Лобарешных бөтөлкөлөшүн эс-учун жоготконго чейин мыкаачылык менен сабап, колун байлап, денесин кудукка сүйрөп барган. Андан кийин таанышын издеп келген 29 жаштагы Виталий Чуевди ошол кафеде өлтүрүп, аны да кудукка сүйрөп барып, эки кишини тең кудукка таштап жиберген. Лобарешныхтын кезектеги курмандыгы 42 жаштагы сатуучу аял болгон. Аны сейилдөөгө чакырып, кийин зордуктап, аял полицияга барып арызданат деп ойлоп, аны муунтуп өлтүргөн.
