Вьетнамдын борбору Ханое шаарында 31 жаштагы жеткирип берүү кызматынын айдоочусу өз өмүрүн тобокелге салып, 12-кабаттан кулаган 2 жаштагы кызды тосуп калды. Бул тууралуу Vietnam Times жазып чыкты.
Нгуен Нгок Манх унаада отурган учурда, ыйлап жаткан наристе менен аялдын кыйкырган үнүн уккан. Ал кичинекей кыздын 50 метрдей бийиктиктеги терезенин тосмосуна илинип тургандыгын көрүп, аны сактап калуу аракетин кылып, аны тосуп калган.
Дарыгерлер кыздын колу менен буту сынганын, абалы туруктуу экенин айтышкан. Ал эми 31 жаштагы жарандын тарамыштары чоюлуп калган.
“Бактыга жараша кыз тиземе кулады. Мен аны кучактап турдум, бирок анын оозунан кан чыкканда, абдан коркуп кеттим”,- деди Нгуен.
Социалдык таармактын колдонуучулары 31 жаштагы айдоочуну «баатыр» деп аташты. Бул өлкөнүн премьер-министри дагы ал кишиге сыйлык берүүнү сунуштап, анын эр жүрөктүгү үчүн ыраазычылык билдирди.
