Вьетнамдын эң бай аялдарынын бири алдамчылык үчүн өлүм жазасына кесилди. Бул тууралуу дүйнөлүк ЖМКлар жазышты.
67 жаштагы ишкер айым Чыонг Ми Лан банктан 12,5 миллиард доллар чыгарып, алдыңкы адамдардын жардамы менен Сайгон коммерциялык банкынын 90 пайыздан ашыгын көзөмөлдөгөн. Ал кайтарымсыз кредиттер аркылуу акча чыгарган. Алар банк тарабынан берилген бардык кредиттердин 93 пайызын түзгөн. Прокуратура анын аракеттеринен келтирилген жалпы зыянды болжол менен 22 миллиард долларга баалаган.
Бай аялдын соттук иши сот тарыхындагы эң ири сот процесстеринин бири болуп калды. 2700 адам көрсөтмө берүүгө чакырылып, ишке он прокурор жана 200дөй жактоочу катышты.
