Казакстандык блогер, учурда 2 уулдун апасы Айжан Байзакова Ютуб каналында жолдошу менен кайненесинен маек алды.
Анда блогер айым суроолорду кабыргасынан койгон. Алгач эле көпчүлүк кызыккан суроо катары «келиниңиз Айжан Байзакова болорун билгенде кандай кабыл алдыңыз?» деди.
Кайненеси башында эле мамилелери тууралуу билгенин, бирок уулунун «биз доспуз» дегенине ишенип калганын айткан. Ал эми кайнатасы каршы болгон. Бирок жолдошунун карындаштары ата-энесине айрым учурда адам жашоодо таптакыр башкача болорун, соцтармактарда хайп үчүн сүрөттөрдү киргизе берерин түшүндүрүшкөн. Акыры көнүп, таанышууга чакырышкан. Алгач сүйлөшкөндө эле кайнатасы менен тил табышып, блогердин жашоодо таптакыр башкача адам экенин түшүнгөн да, ак жоолугун салышкан.
Жолдошум «Мындан ары Айжан жөнүндө кимде-ким жаман сөз айтса, ал менен катташпайм» деген»,- деди кайненеси.
Ошондой эле «Мен силердин үй-бүлөгө өзүмдүн балам менен бардым, буга кандай көз карашта болдуңар?» деди.
«Биринчиден, биздин бала менен келдиң. Мен уулуң бар экенин билчүмүн, бирок мага «бул бөлөктүн баласы да, бизге эмне кереги бар?» деген ой келген да эмес. Мен балдарды аябай жакшы көрөм. Аланды биринчи жолу көргөндө эле, чуркап келип, кучактап калды. Бала өзү чуркап келип жатса, бардык эле адам жакшы көрөт. Анын үстүнө уулум үйлөнүп жатканда балага да жоопкерчилик алам деп бул кадамга барды да. Демек, баланы кабыл алып туруп, чечим чыгарды. Мен тескерисинче, өзүңдүн балаңды ата-энеңе таштап койсоң эне катары түшүнмөк эмесмин. «Эне болуп туруп, кантип баласың таштап койду?» деп ойломокмун»,- деди ал.
Байзакова өзү да уулу Алан кайнене менен кайнатасына жакын экенин айтып, кылган мамилесине суктана турганын билдирип, эмнеси болсо да, уулуна кылган жакшы мамилелерин эч убакта унутпай турганын айтып, ыраазычылык билдирген.
