Юрий Шатунов «Ласковый Май» тобунун композицияларына болгон укуктарга байланыштуу узак соттук териштирүүлөрдөн улам эмоционалдык жана физикалык жактан чарчаганын ырчынын досу, топтун экс-солисти Андрей Шишкин Ura.ru сайтына билдирди.
Шатунов 23-июнга караган түнү 49 жашында каза болгон. Өлүмдүн себеби инфаркт болгон. Ырчынын сөөгү 28-июнда Москвадагы Троекуровский көрүстөнүндө жерге берилет.
«Акыркы сүйлөшүүдө эртең гастролдон кийин Германиядагы үй-бүлөсүнө учуп кетиши керектигин айткан, ал билет да сатып алган. Абдан чарчаганы көрүнүп турду», — деген Шишкин. Музыканттын досу Шатунов гастролдон кийин кышында тарткан нерв оорусунан толук айыгып кете электигин да айткан.