Мээрим Давлетова: “Балам ДЦП менен төрөлгөн. Мендей энелер үчүн реабилитациялык борбор ачып жатабыз”

Косметолог, ишкер Мээрим Давлетова үчүннчү баласы Нурсултан ДЦП диагнозу менен төрөлгөндөн кийин майыптыгы бар баланы тарбиялоонун канчалык оор экенин өз башынан өткөргөнүн айтат. Анын айтымында, бул тажрыйба ага өзгөчө муктаждыгы бар балдарды жана алардын энелерин тереңирээк түшүнүүгө жардам берген. Ошол себептен Давлетова дал ушундай балдарга багытталган реабилитациялык борбор ачуу чечимин кабыл алганын айтат. Ал жаңы борбор ата-энелерге да, балдарга да жардам көрсөтүүнү максат кыларын белгиледи.