Жарандык активист, «Баштан башта» кыймылынын демилгечиси Улан Үсөйүн СуперТВ телеканалындагы «Саясий коктейль» берүүсүндө маек берди. Учурда өлкөдө болуп жаткан саясий процесстерге токтолгон ал: «Бийлик кылмышын өзү моюнуна алган, далилденген бир коррупционерди камай албай жатса, өздөрү айткандай «кустура» албай жатса, анда башка коррупционерлерге кантип алы жетет?» деп суроо салат.