СЕРЕП МЕДИА маалымат агенттиги 2024-жылы үйлөнүп, турмушка чыккан атактууларды тизмектеди.
1. Үстүбүздөгү жылдын 2-июль күнү «Көз мончогум» деп ырдаган ырчы Айгерим Эшимдин кыз узатуу тою болуп өттү. Ал ырчы Эльзар Тиленбаевге турмушка узады. “Биз 4 жылдан бери кыз-жигит катары мамиледебиз. Бирок элге айтпай келгенбиз” деген алар.
2. Ал эми 24-август күнү Париж Олимпиадасында күмүш медаль жеңген мушкер Мунарбек Сейитбек уулу үйлөнгөн.
3. Париж Олимпиадасында коло медаль жеңген балбан Жоламан Шаршенбеков бойдокчулук менен коштошту. 23-сентябрда Айхандын кыз узатуусу Талас жергесинде өткөн. Ал эми 30-сентябрда Бишкекте экөөнүн үлпөт тою өттү.
4. Август айында Кыргызстандын атынан «Новая волна — 2013» сынагына катышкан ырчы Айбек Бакытбеков үйлөндү.
5. 6-октябрда Бишкектеги тойканалардын биринде «Апамды издейм» тасмасы менен Кыргызстанга эле эмес, Казакстанга да таанылган актёр Азамат Улановдун үлпөт тою өткөн.
6. Кыргызстандын футбол боюнча курама командасынын коргоочусу Александр Мищенко да сентябрь айында бойдокчулук менен коштошуп, сүйүктүүсүнө үйлөндү.
7. 27-сентябрда Бишкек шаарындагы тойканаларынын биринде актриса Айпери Чотонованын кыз узатуусу өткөн. Көп өтпөй эле актриса дунган улуттук көйнөгүн кийип, жолдошу менен бийлеген видео тараган.
8. Актриса, модель Мээрим Атантаева да сентябрь айында турмушка чыкты. Ал социалдык тармактагы баракчасына сүрөтүн жүктөп, «жолдошум» деп жазды.
8. 21-октябрда ырчы Аида Багышбекова «Косылайык» берүүсүндө таанышкан Нурдөөлөт Төлөпбергенге турмушка чыкты. СЕРЕП МЕДИА маалымат агенттигине Аида Багышбекова турмушка чыкканын айтып, «20-октябрда туулган күндө кечирим сурап келген. Сүйлөшпөйбүз деп ойлогом. Туулган күндөн кийин ушундай болуп кетти» деген.
9. Шоумен Эркин Нурбаев да үйлөндү. Жаңылыгы менен Инстаграм баракчасына бөлүшүп, 9-ноябрда Бишкектеги ресторандардын биринде үлпөт тоюн өткөргөнүн билдиген.
10. Актёр, «Акыркы сабак» сериалындагы Кубаныч агайдын образын ачып берген Бактияр Шаршенбаев 16-ноябрда сүйүктүүсүнө үйлөндү.
11. 18-декабрда Бишкекте Олимпиаданын коло медалынын ээси Үзүр Жузупбековдун үйлөнүү тою болуп өттү.
12. Быйылкы жылдын эсебинен балбан Акжол Махмудовдун бойдокчулук менен коштошкону маалым болгон. Балбандын тоюнан видеолор социалдык тармактарга жарыяланган.
13. Токио жана Париж Олимпиадаларынын байге ээси, кыз-келиндер күрөшү боюнча дүйнө чемпиону Айсулуу Тыныбекова өз бактысын тапты. Ал учурда үлпөт тойго кызуу даярданып жүрөт.
14. «Style Mix» триосунун мурдагы ырчысы Талас Амантуров ырчы Миланга үйлөндү.
