Акыркы сутка ичинде өлкө боюнча 1401 адамдан коронавирус аныкталды. Бул тууралуу Саламаттыкты сактоо министрлигинен кабарлашты.
Аймактарга алып карасак, Бишкек – 907, Ош – 50, Чүй облусу – 175, Ош облусу – 20, Талас облусу – 13, Нарын облусу – 17, Ысык-Көл облусу – 32, Жалал-Абад облусу – 105, Баткен облусу – 82 кишиден илдет аныкталды. Ошентип, өткөн жылдын март айынан бери коронавирус катталгандардын саны 130 миң 633 адамга жетти.
Соңку суткада 10 киши оорудан каза болду. Каза болгондордун алтоо Бишкек шаарында, экөө Чүйдө, Жалал-Абадда бир, Нарында бир өлүм катталды. Өткөн жылдын март айынан бери өлкөдө аталган илдеттен көз жумгандардын саны 2 миң 37 адамды түздү.