Кечээ, 5-октябрда Кыргыз Республикасына ЖККУга мүчө-мамлекеттеринин тынчтыкты сактоочу Жамааттык күчтөрү менен «Бузулбас боордоштук-2023» биргелешкен машыгуусуна катышуу үчүн Тажикстандын Куралдуу Күчтөрүнүн аскердик контингенти келди. Бул тууралуу Коргоо министрлигинен маалымдашты.
Тажик контингентинин тынчтыкты орнотуучулары Тажикстандан Кант шаарына аба каттамы менен келип, машыгуу өткөрүлө турган Балыкчы шаарына жөө жүрүш жасашты. 20636 аскер бөлүгүнүн саптык плацында машыгуунун жетекчилиги тарабынан аларды салтанаттуу тосуп алуу аземи болуп өттү.
