Бишкек-Нарын-Торугарт унаа жолунун 500-544-чакырымдар аралыгында (Ат-Башы району) жол жакшы көрүнбөй, катуу бороон болууда. Бул тууралуу Транспорт министрлигинен билдиришти.
«Аймакты караган № 957 Жол тейлөө ишканасынын кызматкерлери атайын техникалардын жардамы менен тазалоо иштерин тынымсыз аткарып жатышат. Каттам бар. Катуу шамалдын кесепетинен айрым оор жүк ташуучу унаалардын бош чиркегичтери оодарылып, каттам үчүн үчүн кыйынчылык жаратууда», — деп айтылат маалыматта.
