Бишкек шаардык кеңешинин мурунку төрагасы Кыдыралиев Зоотбек Темирбекович узакка созулган оорудан кийин 71 жаш курагында көз жумду. Мэриянын маалыматы боюнча, ал 1949-жылы 24-августта жарык дүйнөгө келген.
Кыдыралиев 1999-2004-жылдары Бишкек шаардык кеңешинин депутаты болуп шайланган. 1999-жылдан тарта 2005-жылдын мартына чейин Бишкек шаардык кеңештин төрагасы болгон.
Маркумду акыркы сапарга узатуу митинг-реквиеми 24-июлда саат 15:30да башталат (дареги: Бишкек шаарынын Москва көчөсү №163-В).