Бишкекте маршруттук таксилердин катышуусундагы жол кырсыгынан жабыркагандардын саны 18 кишиге жетти. Бул тууралуу Саламаттыкты сактоо министрлигинен маалымдашты.
Анын ичинен 17 адам шаардагы 4-ооруканага, 1 киши Улуттук госпиталга жеткирилди. 11 бейтап биринчи медициналык жардам көрсөтүлгөн соң үйлөрүнө жөнөтүлгөн. Эки жабырлануучунун абалы оор, алар сынык жаракаттары менен 4-оорукананын реанимация бөлүмүнө, дагы төрт жабырлануучу ар кандай жаракаттары менен хирургия жана нейротравма бөлүмдөрүнө жаткырылды. Бир жабырлануучунун абалы канааттандырарлык, ал Улуттук госпиталдын нейротравма бөлүмүндө дарыланууда.
Бүгүн, 26-январда саат 12:30 чамасында Элебесов жана Боталиев көчөлөрүнүн кесилишинде эки маршруттук такси сүзүшүп, жол кырсыгынан дагы бир жеңил унаа жабыркаганы маалым болгон. Буга чейин Тез жардам кызматынан 14 киши жабыркаганы айтылган.