Жогорку Кеңеште жыл сайын 15-мартта белгиленүүчү Аталар күнүнө арналган салтанаттуу иш-чара өткөрүлдү. Ага Жогорку Кеңештин төрагасы МарленМаматалиев, төраганын биринчи орун басары МедербекАлиев, Жогорку Кеңештин депутаттары жана башка чакырылган коноктор катышты. Бул тууралуу парламенттин басма сөз кызматынан маалымдашты.
Төраганын биринчи орун басары МедербекАлиев Аталар күнүн белгилөө тууралуу мыйзам долбоору алгач коомчулукта ар түрдүү пикирлерди жаратып, айрымдар тарабынан четке кагылган учурлар да болгонун билдирди. Бирок кызуу талкуулардын натыйжасында демилге эл өкүлдөрү тарабынан колдоого алынып, кийинчерээк мамлекет башчысы кол койгонун маалымдады.
«Бул чечим атанын үй-бүлөдөгү жана коомдогу ордун таанууда маанилүү кадам болду. Биз кыргыз элинин үй-бүлөлүк баалуулуктарын жана салттарын сактап, баркташыбыз зарыл. Тилекке каршы, бүгүнкү күндө айрым эркектер ата болгонуна карабастан балдарды тарбиялоого тийиштүү деңгээлде катышпай жаткан жагдайлар кездешүүдө. Калкыбызда атанын орду ар дайым өзгөчө болгон. Ата – үй-бүлөнүн башчысы катары балдарынын жана бүтүндөй үй-бүлөнүн бакубат жашоосу үчүн жоопкерчилик тарткан инсан», — деп белгиледи МедербекАлиев.
Салтанаттын жүрүшүндө катышуучулар мындай иш-чараларды өткөрүү үй-бүлө институтун чыңдоого, салттуу үй-бүлөлүк баалуулуктарды жайылтууга жана ата-энелердин балдарды тарбиялоодогу жоопкерчилигин жогорулатууга өбөлгө түзөрүн белгилешти. Муну менен катар атанын үй-бүлөдөгү ролу өзгөчө мааниге ээ экени айтылып, ал коргоонун, колдоонун жана акылмандыктын булагы экендиги кошумчаланды.
Президент Садыр Жапаров бүгүн, 28-апрелде Коргоо министрлеринин кеңешмесине катышуу үчүн келген Шанхай кызматташтык уюмуна мүчө-мамлекеттердин коргоо ведомстволорунун жетекчилерин кабыл алды....
Президент Садыр Жапаровдун чакыруусу менен ушул жылдын 28-30-апрелинде Того Республикасынын Министрлер кеңешинин төрагасы Фор Эссозимн Гнассингбенин Кыргыз Республикасына расмий сапары...
Кыргыз Республикасынын Тышкы иштер министрлиги Европа Биримдигинин Россия Федерациясына каршы санкцияларынын 20-пакетине Кыргыз Республикасынын юридикалык жактарынын киргизилиши, анын ичинде биздин...
Каттоо 16-май жана 20-май күндөрү саат 13:00дөн 17:00гө чейин Бишкек шаарында жана Кыргыз Республикасынын бардык аймактарында ЖРТ өтө турган борборлордо...
1-майдан 10-майга чейин, май майрамдары мезгилинде, саламаттык сактоо уюмдары белгиленген тартипте иш алып барат жана жооптуу кызматкерлердин нөөмөтү уюштурулат. Бул...