Жогорку Кеңештин депутаты Нуржигит Кадырбеков кыргыз тили боюнча тестирлөөдөн эң жогорку упай алды. Бул тууралуу «Ыйман Нуру» парламенттик фракциясынын жыйынына катышкан «Кыргызтест» мамлекеттик мекемесинин директору Батма Топоева-Ставинская билдирди.
Анын айтымында, Кадырбеков жаңы жыл алдында 90 депутаттын ичинен биринчилерден болуп тестти ийгиликтүү тапшырды.
Маалыматка караганда, экзамен боюнча эң жогорку балл мурда 86,8 болчу. 2022-жылы эң жогорку упайды (91,6) Улукбек Абсаматов алса, 2023-жылы Кадырбеков рекордду жаңылады (96,8 упай). Эл өкүлүнө тесттен өткөндүгү тууралуу сертификат тапшырылды.