Бүгүн, 25-сентябрдагы Жогорку Кеңештин жыйынында депутаттар өздөрүн таратуу боюнча чечим кабыл алды. Бул сунушту 32 депутаттан турган демилгелүү топ жарыялаган. Катталган 89 депутаттын ичинен 84 депутат «макул» деп добуш беришти.
Алай округунан депутат Улан Примов таратуу үчүн эки себепти атады:
-
жаңы шайлоо мыйзамы (парламенттик шайлоолордун жаңы системасы)
-
депутаттарды жана президентти шайлоо ортосундагы аралыктын өтө кыска болушу — эки ири саясий иш-чараны катарынан өткөрүү коомдук-саясий туруктуулукка таасир этиши мүмкүн деп эсептешет демилгечилер.