II чейректен тартып мектептерди ачуу сунушталды. Бул тууралуу билим берүү жана илим министри Алмазбек Бейшеналиев бүгүн өкмөттүн жыйынында айтты.
Министр тийиштүү сунушун республикалык штабга да жөнөткөнүн билдирди. “Окуучулардын тамак-ашына багытталган каражат Финансы министрлигинин эсебинде турат. Ошол акчага мектептерге дезинфекциялык каражат сатып алууну сурайбыз”, — деди министр.