Депутат Ирина Карамушкина туулган күнүн утурлай экс-президент Алмазбек Атамбаев менен жолугушуу үчүн абакка барды. Бул тууралуу ал социалдык тармактагы баракчасына жарыялады.
Алмазбек Атамбаевдин туулган күнү эртең, 17-сентябрь. Ал 65 жашка толот.
«Урматтуу достор! Баарыңыздардан мурунку мамлекет башчысы Алмазбек Атамбаевдин тагдырына жана абалына тынчсызданып жаткандардан, куттуктоолорду жана каалоолорду жеткирем. Белектер менен мен ага УКМКнын тергөө абагына бара жатам», — деп жазды ал.
Кийинчерээк ал экс-президент менен жолугуп чыкканын айтты. Анын айтымында, экс-президент бардыгына, керек болсо, душмандарына да ыраазычылыгын билдирген.
