Бүгүн, 21-мартта Жалал-Абад шаарынын борбордук аянтында Нооруз майрамына карата салтанаттуу иш-чара өттү. Бул тууралуу мэриядан маалымдашты.
Саамалыкка президенттин Жалал-Абад облусундагы өкүлү Абсаттар Сыргабаев, калаа башчысы Эрнисбек Ормоков, Өзгөчө кырдаалдар министри Бообек Ажыкеев, Жогорку Кеңештин депутаты Айбек Маткеримов, жергиликтүү бийлик, мекеме-ишканалардын жамааттары жана тургундар катышты.
Нооруз майрамындагы салтанат театралдаштырылган көрүнүш, улуттук оюн-зоок, концерттик программа жана көргөзмө жарманке менен коштолду.
