3-май күнү Өзбек жараны 2003-жылы туулган Бахрамова Севинч Шерзод кызы Кыргыз Республикасынын аймагына кирип, бүгүнкү күнгө чейин дайынсыз болууда. Бул тууралуу Жалал-Абад ОИИБден билдиришти.
Ал Жалал-Абад мамлекеттик университетинин филология факультетинин 1-курсунда окуп Жалал-Абад шаарындагы батирлердин биринде жашачу. Учурда кыздын жүргөн жерин аныктоого мүмкүнчүлүк болбой жаткандыгына байланыштуу туугандары жана милиция аны табууга коомчулуктан жардам сурайт.
Белгилери: Бою 160-165 сантиметр, өңү кара тору, чачы, көзү, кашы кара, арык дене түзүлүштө, сол далысында сары-күрөң калы бар. Изделип жаткан кыз тууралуу маалымат билгендер болсо, 102; (03722) 5-28-31; 7-03-44; (0224) 95-15-15, (0773) 00-08-02 номурларына кайрылсаңыз болот.