Жогорку Кеңештин депутаты Канатбек Исаев да суракка келди. Анын ысымы Курсан Асановдуку делинип интернетке тарап кеткен аудио сүйлөшүүдө аталган болчу.
Буга чейин ички иштер министринин мурдагы орун басары Курсан Асанов менен «Толубай» жабык акционердик коомунун директорлор кеңешинин мурдагы мүчөсү Алмаз Сарыбаевдин сүйлөшүүсү делген видео социалдык тармакка жарыяланган. Аудио жазууда Курсан Асанов, депутат Жанар Акаев жана башка саясатчылар бийликти куралдуу басып алуу боюнча сүйлөшүүлөрдү жүргүзүп жатканы жазуу түрүндө көрсөтүлгөн.