COVID-19дун индиялык штаммы Кыргызстанда катталган эмес. Бул тууралуу «Профилактикалык медицина» илимий-өндүрүштүк бирикмесинин директору Омор Касымов COVID-19 менен күрөшүү боюнча Республикалык штабдын пресс-борборунда болуп өткөн брифингдин жүрүшүндө дүйнөдөгү COVID-19 боюнча абал жана вирустун жаңы штаммдары жөнүндө айтып берип жатып билдирди.
Ал өз сөзүндө, адамзат эки жылдан бери SARS-CoV-2 коронавирусунун жаңы инфекциясынан жана ага өбөлгө болгон буга чейин этибар алынбаган вирустук дүйнөнүн белгилери болгон: SARS-атипикалык пневмония жана MERS-CoV инфекцияларынан улам келип чыккан пандемия шартында жашап келе жаткандыгын белгиледи.
