Бишкек мэриясы маалымат таратып, Псковская, 71 дарегиндеги демонтаж иштерине тоскоолдук жаралып жатканын билдирди.
Бүгүн, 22-ноябрда Бишкек шаарынын мэриясынын Жерди пайдаланууну контролдоо башкармалыгынын кызматкерлери Псковская көчөсү, 71 дарегинде уруксат берилбеген объектилерди демонтаждоо иштерин баштады.
«Бул жерде мурда гараж кооперативи жайгашкан. Бирок уруксат берилбеген объектилердин ээлери Бишкек шаарынын мэриясынын Жерди пайдаланууну контролдоо башкармалыгынын кызматкерлеринин ишине тоскоолдук жараткан окуя катталды. Окуя учурунда уруксат берилбеген объектилердин ээлери тарабынан бензин чачылып, «Тазалык» муниципалдык ишканасынын кызматтык унаасы жана атайын техникасы да жабыркаган. Белгилей кетсек, буга чейин башкармалыктын кызматкерлери аталган объектилердин ээлерине түшүндүрүү иштерин жүргүзүшкөн. Учурда окуя болгон жерде укук коргоо органдары иштеп жатат», — дешти.