Социалдык тармактарда Нарын облусунда күйдүргү (сибирь жарасы) катталганы тууралуу аудио таратылууда. Билдирүүнүн белгисиз автору мекендештерди эт азыктарын жегенди убактылуу токтотууга чакырат.
Саламаттыкты сактоо министрлигинин Оорулардын алдын алуу жана мамлекеттик санитардык-эпидемиологиялык көзөмөл департаменти маалыматты четке какты. «Учурда Кыргызстанда күйдүргү оорусу катталган жок. Бул былтыркы жалган билдирүү, аны кайра кимдир бирөөлөр тарата баштады», — дейт бөлүм башчы Султан Абдыкадыров.