Ош шаарынын аймагында «Түнкү өспүрүм» деген аталыштагы профилактикалык рейд өтүп жатат. Бул тууралуу Ош ОИИБден билдиришти.
Кызматкерлер шаар аймагы боюнча бөлүнүшүп, кафе-ресторан жана чайкананын оозунда акча сурап, же ырдап кирип барган өспүрүмдөргө профилактикалык иш-чараларды өткөрүп жатышат. Алардын социалдык абалы, үй-шарты тууралуу маалымат алышууда. Андан соң, интернет клубдарында, оюн-зоок жайларында, жер төлөлөр менен үйлөрдүн чатырларында чоӊ адамдардын коштоосусуз жүрүшкөн өспүрүмдөрдү аныкташып, тактоо иштерин жүргүзүү үчүн балдардын реабилитациялык борборуна алып келишүүдө. Алардын ата-энелерин, жакын туугандарын чакырышып, профилактикалык маектешүүлөрдү жүргүзүшүп жатышат. Бул рейд көрсөткөндөй, кармалган балдар-кыздардын көбүнүн ата-энеси миграцияда жүрүшөт, өздөрү жакын туугандарында калтырылган.
Рейддин алгачкы күнү жалпы 106 өспүрүм менен маектешүү үчүн милиция бөлүмдөрүнө жеткирилген. 25 өспүрүм балдарды реабилитациялоо борборуна жеткирилди, анын ичинен 9 баланын ата-энесине карата ата-энеге Укук бузуу кодексинин 74-беренесине ылайык 1000 сомдон жаза салынды. Үйдөн чыгып кеткен 1 өспүрүм табылып, ата-энесине өткөрүп берилди. Жалпысынан 164 коомдук жайлар текшерилди.
Посмотреть эту публикацию в Instagram
