Кыргызстанда кош бойлуу айымдардын 49 пайызы аз кандуулукка кабылат. Бул тууралуу «Аял жана балдардын тамактануусунун абалы» изилдөөсүнүн жыйынтыгында белгилүү болду.
Маалыматка ылайык, Талас, Нарын, Ысык-Көл облустарында 6 айлыктан 5 жашка чейинки курактагы балдардын 30 пайыздан жогорусу аз кандуулук менен оорушат.
Мындай маселени болтурбоо үчүн аз кандуулукту көзөмөлдөөчү атайын программаларды иштеп чыгуу сунушталат. Ошондой эле аталган облустарда жашаган балдарга 6 айлык кезинен 2 жашка чейин жана кош бойлуу аялдарга темирди бекер бөлүштүрүү керектиги айтылат.