УКМКнын төрагасы Камчыбек Ташиев өпкөсү кагынып, ооруканага жатты. Бул тууралуу жергиликтүү басылмалар жазышты.
Алдын ала маалыматтар боюнча, пневмонияга чалдыккан Камчыбек Ташиев кечээ, 4-январда Республикалык жугуштуу оорулар бейтапканасынын «кызыл зонасына» жаткырылып, ошол жакта дарыланууда. Анын абалы канааттандырарлык. Бейтап коронавируска тест тапшырган, анын жыйынтыгы бүгүн, 5-январда белгилүү болот.
Камчыбек Ташиев буга чейин 2020-жылы «каргашалуу июль» деп атыккан мезгилде жубайы менен пневмонияга чалдыгып, ооруканалардан орун таппай, абалы начарлап кеткенин айтып берген.
