Токмоктогу психоневрологиялык стационардын бейтаптары аң казып жаткан видео тарап, көпчүлүктүн жанын кейитти.
Видеодогу адамдар — Токмок шаарындагы психоневрологиялык №1 стационардын мүмкүнчүлүгү чектелген бейтаптары. Видеонун автору алардын оор жумушка тартылганын айтып, мекеменин директоруна нааразычылыгын билдирген.
Turmush басылмасы стационардын директору Улукбек Усупбековдон бул окуя тууралуу комментарий алган. Ал видеодогу “канализация апрелден бери экскаватор менен казылып, бүтүрүү иштеринин аз бөлүгү эмгек терапиясынын алкагында бир нече бейтаптар арасында уюштурулганын” билдирген. Ал эми бейтаптардын жумушка тартылуусу мыйзам чегинде болгонун, бул эмгек терапиясы экендигин айткан.
