Фотограф Влад Ушаков социалдык тармактагы баракчасына Токтогул суу сактагычына куйган Нарын дарыясынын агымында дээрлик суу жок болуп турган сүрөттү жарыялады. «Дагы бир коркунучтуу көрүнүш, мындайды биринчи жолу көрүшүм. Агымда дээрлик суу жок. Сууну сактагыла» деп жазган ал.
Салыштыруу иретинде фотограф ошол эле билдирүүнүн комментарийине бир жыл мурдагы Нарын дарыясынын сүрөтүн жарыялады. «Өткөн жылда агымда суу көбүрөөк» эле деген ал.
