Жаза аткаруу кызматынын төрагасынын орун басары болуп Улан Жолдубаев дайындалды. Бул тууралуу ЖАКтын басма сөз кызматынан маалымдашты.
Тиешелүү буйрукка министрлер кабинетинин төрагасы Адылбек Касымалиев кол койгон.
Улан Жолдубаев 25-сентябрь 1987-жылы Нарын облусунун Ат-Башы районуна караштуу Ак-Муз айылында туулган. 2009-жылы Кыргыз Мамлекеттик Юридикалык академиясынын тергөө криминалистика факультетин аяктаган.