Бүгүн, 3-майда Ош шаарында Улуу Ата Мекендик согуштун ардагери Салахидин Токтобаев акыркы сапарга узатылды. Бул тууралуу Ош мэриясынан маалымдашты.
Маркум менен коштошуу зыйнатына Ош мэриясынын, шаардык социалдык өнүктүрүү башкармалыгынын, Ош шаардык ардагерлер биримдигинин, Ош аскер гарнизонунун, Орусиянын Ош шаарындагы Башкы консулдугунун өкүлдөрү, ардагердин туугандары жана жакындары катышты.
Улуу Ата Мекендик согуштун ардагери Салахидин Токтобаев 1925-жылы 10-июнда туулган. Ардагер 18 жаш курагында согушка аттанып, Беларусь фронтунан Германияга чейин барып, 958-батольонунда кызмат өтөгөн. Согуштагы каармандыгы үчүн бир катар орден, медалдар менен сыйланган. Согуш мезгилиндеги жаракатынан улам 2-топтогу майыптык алган. Согуштан кийинки жылдары Ош пахта заводунда пенсия жашына чейин иштеген. Маркумдун артында 4 кызы, 3 уулу, 28 небереси, 52 чебереси жана 2 кыбырасы калды.
Учурда Ош шаарында Улуу Ата Мекендик согуштун 1 жана оруктун 5 ардагери жашайт.
Президент Садыр Жапаров "Кабар" агенттигине кезектеги маегин берди. "Жакында массалык башаламандык чакырууга айыпталган 11 бир журналисттин соту болуп, прокурор алардын...
Кечээ, 27-сентябрь күнү Бишкектин Дөлөн Өмүрзаков стадионунда жаштар арасында 2025-жылы өтө турган Азия Кубогуна тандап алуу оюндарынын алкагында Кыргызстан курамасы...
28-сентябрга караган түнү Ысык-Көл, Нарын облустарынын айрым жерлеринде жаан, тоолуу райондорунда, Ош облусунун тоо этектеринде жана тоолуу райондорунда жаан, кар,...
“Хан-Теңири” беш жылдыздуу мейманканасы Ысык-Көл облусунун Тамчы айылына курулат. Курулуш аянты 48,476 м2; Мейманкана 8 кабаттан, калган коомдук зоналар 1...