Бүгүн, 2-октябрь ырчы Бекжан Темирхандын туулган күнү. Көзү тирүү болгондо ал 28 жашка чыкмак.
Бекжан Темирхан өткөн жылдын 10-ноябрында жол кырсыктан 27 жашында каза болгон. Кырсык Боомдо катталып, Мерседес-Бенц үлгүсүндөгү унаада ырчыдан башка дагы бир 1997-жылы туулган жаран болгон. Алдын ала маалымат боюнча, унаа катуу ылдамдыкта бара жатып, айдоочу унаанын рулуна ээ боло албай, жолдун оң жагындагы тосмону сүзүп, андан соң жолдон чыгып оодарылып кеткен. Жол кырсыктын кесепетинен жүргүнчү катары бара жаткан ырчы каза болгон. Досторунун айтымында, үйлөнгөнүнө 14 эле күн болгон.