18-июль күнү Тору-Айгыр жана Чырпыкты айылдарынын ортосунда көлгө чөгүп кеткен 4 жаштагы кызды 3 тараптан издөө жүргүзүлүүдө. Бул тууралуу ӨКМ маалымдады.
— Бүгүн, 4 жаштагы кыздын изделип жатканына 11 күн болду. Тилекке каршы, издөө ишинен натыйжа боло элек. Бүгүн эртең менен саат 08:00 тарта наристени издөө иши башталып, анда Өзгөчө кырдаалдар министрлигинин куткаруучулары 3 топко бөлүнүштү.
Биринчи топто Балыкчы шаарынын өзгөчө кырдаалдар бөлүмүнөн 4 куткаруучу тартылып, Тоң районунун Шор-Булак айылынан Балыкчы шаарына чейинки аралыкта издөө иштерин жүргүзүүдө.
Экинчи топко Тоң райондук өзгөчө кырдаалдар бөлүмүнөн 4 куткаруучу тартылып, райондун Шор-Булак айылынан Бөкөнбаев айылына чейинки аралыкты карашууда.
Үчүнчү багытта Ысык-Көл райондук ӨКБнөн 2 куткаруучу тартылып, Чолпон-Ата шаарынан Тору-Айгыр айылына чейинки аралыкта издөө иштерин жүргүзүп жаткан учур.
Жалпы 10 куткаруучу, 2 АСМ автоунаасы жана 3 моторлуу кайык менен издөө иштери уланууда.
Учурда кыздын ата-энеси, туугандары социалдык тармактар аркылуу дрон жана башка керектүү шаймандары бар ыктыярчыларды наристени издөөгө көмөк көрсөтүүгө чакырууда.
Эскерте кетсек, окуя 18-июль күнү Ысык-Көл районунуна караштуу Тору-Айгыр жана Чырпыкты айылдарынын ортосунда орун алып, анда көлдө түшүп жүргөн желим баллондо отурган 4 жаштагы наристени ата-энесинин көз алдында эле көлдүн толкуну алып кеткен. Белгилей кетсек көлдүн бул жээгиндеги тилкесине эл түшпөйт.
Өзгөчө ири өлчөмдөгү коррупция фактысы боюнча УКМКнын кызматкери кармалды. Бул тууралуу УКМКдан билдиришти. УКМК улуттук коопсуздук органдарынын катарын кызматтын кызыкчылыгына...
Кыргызстандын жарандыгын алуу боюнча документтерди тариздөө үчүн акча каражаттарын мыйзамсыз алуу схемасын уюштуруу фактысы аныкталды. Бул тууралуу УКМКдан билдиришти. УКМК...
Өзгөндө аялын сабаган жолдошу кармалды. Бул тууралуу ИИМден билдиришти. 10-июнда шектүүгө карата Кылмыш-жаза кодексинин 138-беренеси (уруп-сабап кыйноо) менен кылмыш иши...
Нарын ШИИБдин тергөө кызматынын тергөөчүсү кызмат абалынан кыянаттык менен пайдалангандыгы үчүн кармалды. Бул тууралуу УКМКдан билдиришти. Кылмыш-жаза кодексинин 337-беренесинин 2-бөлүгүндө...
УКМК тарабынан кыймылсыз мүлктү мыйзамсыз ээлеп алуу жана документтерди жасалмалоо фактылары боюнча козголгон кылмыш иштерин иликтөөнүн алкагында "Кара риэлторлор" кармалды....