Бишкекте каракчылыкка шектелген үч жаран кармалды. Бул тууралуу Бишкектин Биринчи Май райондук ички иштер башкармалыгынан билдиришти.
Маалыматка караганда, милицияга бир жаран кайрылып, 13-февраль күнү түндө ага бир нече адам көчөдө кол салып, белгисиз нерсе менен сабап, болжолдуу 10-15 жолу бычак менен жарадар кылганын билдирген. Кол салгандар 6 миң сомун алып качып кетишкен.
Аталган факты боюнча Кылмыш-жаза кодексинин 207-беренеси (каракчылык) боюнча кылмыш иши козголду. Укук коргоо кызматкерлери үч шектүүнү таап, кармашып, убактылуу кармоочу жайга киргизишкен. Биринчи Май райондук соту аларды тергөө учурунда Бишкек шаарындагы СИЗО-1ге камакка алган.
