Буга чейин социалдык тармактарда Чоң Чүй каналына агып бара жаткан унаанын видеосу тараган.
Видеодон аял кишинин унаадан чыгып, жээк жакка сүзүп бара жатканын көрүүгө болот.
Милициянын кайгуул кызматынан окуя боюнча маалымат беришти. Маалыматка караганда, кырсык 2-май күнү саат 17:00 чамасында болгон. «1988-жылы туулган жаран Лексус RX 350 үлгүсүндөгү унаасы менен Керимов көчөсүндө түндүк тарапты көздөй бара жатып, каналга түшүп кеткен. Жабыркагандар катталган жок. Медициналык экспертизанын корутундусуна ылайык, айдоочу спирт ичимдигин ичпегени аныкталган»,- деп айтылат маалыматта.
