Президенттин маалымат кызматынын жетекчиси Дайырбек Орунбеков социалдык тармактагы баракчасына Боом капчыгайында сөөгү табылган 17 жаштагы кызды өлтүрүүгө шектелип жаткан жаран тууралуу үрөй учурган жаңы жагдайларды жазды.
Анын айтымында, ал мурда да кыздарды зордуктап, зордуктоого аракет кылып, андан соң муунтуп өлтүргөн фактылар ачылып жатат. Анын курмандыктарды 17 жаштан 25 жашка чейинки кыздар болгон. «Такси катары унаага салып, андан соң ээн жерге алап барып, коркутуп, колун байлап, зомбулук кылып, муунтуп же тумчуктуруп өлтүргөн. Алардын арасынан 2 кыз тирүү калган», — деп жазды ал.
