Чүйдө 11 жаштагы кызды зордуктоого өгөй атасы шектелип жатат. Бул тууралуу Чүй ОИИБден билдиришти.
Маалыматка караганда, 18-августта Токмок ШИИБге социалдык коргоо адиси кайрылган. Ал арызында жашы жете элек кыз 1985-жылы туулган өгөй атасы менен жашарын, ал кыздын алсыз абалынан пайдаланып 2023-жылдын февраль айынан бери зордуктап жүргөнүн билдирген.
Аталган факты боюнча зордуктоо беренеси менен кылмыш иши козголгон. 1985-жылы туулган жаран шектүү катары кармалган. Ал соттун чечими менен камакка алынган. 10-октябрда иш сотко өткөн.
Тергөөнүн жүрүшүндө, кыздын 1990-жылы туулган апасы 2022-жылы рактан каза болгону аныкталган. Ал эми кыздын атасы 2023-жылы өлтүрүлгөн. Буга байланыштуу кыз өгөй атасы менен жашап жүргөн.
