Буга чейин соцтармактарда бильярд боюнча дүйнө чемпиону Каныбек Сагынбаев Бишкектеги кафелердин биринин жанында аял менен мушташа кеткендеги видеосу тараган. СЕРЕП МЕДИА маалымат агенттигине Октябрь РИИБден окуянын чоо-жайын айтышты.
Маалыматка караганда, 15-январда Октябрь РИИБге аял киши арыз менен кайрылып, ошол эле күнү саат 08:00 чамасында Юнусалиев көчөсүндөгү кафелердин биринде коомдук тартипти бузуп, анын денесине залал келтирген жаранга чара көрүүнү суранган. Факты Октябрь РИИБге катталып, Жазык кодексинин 280-беренеси (бейбаштык) менен кылмыш иши козголгон.
Кылмышка шектелип, С.К. аттуу 1985-жылы туулган жаран кармалып, сурак берген соң бошотулган. Алынган дене жаракаттары боюнча соттук-медициналык экспертиза дайындалып, анын корутундусу боюнча жалпысынан оордук ден соолуктун кыска мөөнөттүү бузулушуна алып келген жеңил жаракат катары бааланган. Тергөө жүрүп жатат.
