Бишкектин Дэн Сяопин көчөсүндө маршруттук такси окуучу кызды сүзүп кетти. Бул тууралуу Милициянын кайгуул кызматынан билдиришти.
Маалыматка караганда, окуя кечээ, 17-февралда саат 17:00 чамасында болгон. №138 маршруттук унаанын 1993-жылы туулган айдоочусу Дэн Сяопин көчөсү менен күн чыгышты көздөй бара жатып, Каракумский көчөсүнүн кесилишинен жөө өтмөктөн өтүп бара жаткан 2011-жылы туулган кызды сүзүп алган. Кырсыктын кесепетинен окуучу №3 шаардык ооруканага жеткирилген.
Азыркы учурда унаа убактылуу токтотуучу айып короо жайына токтотулуп, жол кырсыгынын келип чыгуу себептери такталып жатат.
