Бишкекте адам уурдоого шектүүлөр кармалды. Бул тууралуу Свердлов РИИБден билдиришти.
9-апрель күнү Свердлов РИИБге жаран кайрылып, белгисиз адамдарга чара көрүү арызы менен кайрылган. Анда ошол эле күнү болжол менен саат 21:00 чамасында Бишкек шаарынын ГЭС-5 жаңы коңушундагы оор жүк ташыган унаалар токтоочу жайында 1993-жылы туулган байкесин эркине каршы кармап, акча талап кылып жатканын билдирген.
Аталган факты боюнча ошол эле күнү адам урдоо беренесине ылайык кылмыш иши козголгон. Кылмышка шектүү катары 1977, 1994, 1998, 2003 жана 1998-жылы туулган жарандар аныкталып, кармалган. Алардын арасынан кылмышка түздөн-түз катыштыгы бар 4 жаран камакка алынды. Учурда тергөө амалдары уланууда.
