20-март күнү Свердлов районунун ички иштер башкармалыгына жаран арыз менен кайрылып, белгисиз адамдар ошол эле күнү саат 01:00 чамасында өзүнүн эле унаасына күч колдонуп салып, белгисиз тарапка алып кетишип, ал жактан денесине жаракат келтирип, Айфон13 Про үлгүсүндөгү уюлдук телефонун жана 60 миң сом акча каражатын алып кетишкенин айткан. Андан кийин колун скотч менен ороп талаага таштап, качып кетишкен.
Аталган факты боюнча Кылмыш-жаза Кодексинин 165-беренеси (адам уурдоо) менен кылмыш иши козголгон. Шектүү катары 2004-жылы туулган Ж.Ж., 2003-жылы туулган А. А. жана 2006-жылы туулган М. А. аттуу шектүүлөр аныкталып, кармалды. Арыз ээси видеодо кызды зордуктаганга аракет жасагам деген билдирүүсүн шектүүлөрдүн кысымы астында жасаган. Тергөө иштери улантылууда.
