Автобус катышкан жол кырсыктан кийин 15 адам Бишкектин ооруканаларына жаткырылды. Бул тууралуу Тез жардам борборунан билдиришти.
Маалыматка караганда, жабыркагандардын арасында 11 чоң адам жана 4 бала бар. «Жабыркагандардын баары ооруканага жаткырылды. Балдар Шаардык клиникалык балдар ооруканасында», — деп билдиришти.
Бүгүн, 29-октябрда Бишкектин Чыңгыз Айтматов менен Ыбырайым Абрахманов көчөлөрүнүн кесилишинде №8 автобус бакка урунган. Кайгуул кызматы кырсыктын болжолдуу себеби, алдынан унаа чыга калып, андан айдоочу буйтайм деп, рулга ээ боло албай калганын айтышты.
