Баңги заттарды мыйзамсыз жүгүртүүгө каршы күрөшүү кызматынын ыкчам кызматкерлери тарабынан баңги каражаттарын, психотроптук заттарды жана алардын аналогдорун сатуу максатында мыйзамсыз даярдоого шектүү жаран кармалды. Бул тууралуу Бишкек ШИИБден билдиришти.
8-февралда милиция кызматкерлерине борбор калаада белгисиз адам ооган тектүү баңгизатын таратып жүргөндүгү тууралуу маалымат түшкөн. Аталган факты Бишкек шаарынын Ленин РИИБдин Тергөө кызматы тарабынан Кылмыш-жаза кодексинин 282-беренесине (баңгизат каражаттарын, психотроптук заттарды жана алардын аналогдорун сатып өткөрүү максатында мыйзамсыз даярдоо) ылайык кылмыш иши козголду.
Подольский менен Семетей көчөлөрүнүн кесилишинен кылмышка шектүү катары 1995-жылы туулган жаран кармалган. Тинтүү учурунда лентага оролгон кочкул жашыл түстөгү өзгөчө жыты бар зат, түсү тунук целлофан табылып алынган заттын таңгагы менен бирге салмагы 1 килограмм 100 граммды түзгөн. Тиешелүү экспертиза дайындалып, изилдөө үчүн берилген заттар баңгизаты: кара куурай чайыры «гашиш» экендиги аныкталган.
Шектүү убактылуу кармоочу жайына киргизилген. Бишкектин Ленин райондук соту шектүүгө карата Бишкек шаарындагы №1 Тергөө камак жайына эки айга камакка алуу түрүндөгү баш коргоо чарасын тандады.
Посмотреть эту публикацию в Instagram
