6-апрелде болжол менен саат 04:30 чамасында Бишкек шаарынын Ленин райондук ички иштер башкармалыгына үч белгисиз адам чет элдик жаранды сабап жатканы тууралуу маалымат түшкөн. Бул тууралуу Ленин РИИБден билдиришти.

Аталган факты Ленин РИИБге катталып, бул боюнча сотко чейинки текшерүү иштери башталган.

Милиция бөлүмүнө 2002, 2000, 2001-жылы туулган жарандар жана чет элдик 1992-жылы туулган жаран жеткирилген.

К.Н. жана А.Т. аттуу жарандарга Укук бузуулар жөнүндө кодексинин 126-беренеси (майда бейбаштык) боюнча протокол түзүлгөн.

Мындан тышкары, чет элдик жаранга карата Жоруктар жөнүндө кодексинин 431-беренесинин 1-бөлүгү боюнча (чет өлкөлүк жарандардын Кыргыз Республикасында белгиленген жүрүү тартибин же эмгек ишин жүзөгө ашыруу же транзиттик өтүү эрежелерин бузуусу) административдик укук бузуу боюнча протокол түзүлгөн. Бул берене боюнча санкция 55 эсептик көрсөткүч өлчөмүндө айып пулду карайт.