Бишкектеги жол кырсыктын кесепетинен жаш жигит каза болду. Бул тууралуу Бишкек ШИИБдин басма сөз кызматынан билдиришти.
Маалыматка караганда, 29-октябрда түнкү саат бирлер чамасында Жаш Гвардия бульвары менен Москва көчөсүнүн кесилишинде BMW 530 үлгүсүндөгү унаа жөө жүргүнчүнү сүзүп кеткен. Унааны 1998-жылы туулган жаран башкарып бара жаткан. Кесепетинен жөө жүргүнчү көз жумган. Жашы болжол менен 25-30 жашта.
Милиция маркумду тааныган же кандайдыр бир маалыматы бар адамдарды төмөнкү телефондорго кабарлап коюуну өтүнөт: 0 (312) 53-22-33, 0 (312) 53-01-81, 0 (553) 11 -21- 13, 0 (502) 22-24-12 же 102 кызматы.
